Lənkəran Şəhər İcra Hakimiyyətinin (ŞİH) başçısı Taleh Qaraşov növbəti səyyar görüş-qəbulunu ucqar dağ kəndi olan Gəgiran kənd inzibati ərazi dairəsinin sakinləri ilə keçirib.
Unikal.az xəbər verir ki, görüşdə Taleh Qaraşovla birgə rayon prokuroru, şəhər-rayon polis idarəsinin rəisi iştirak ediblər.
İcra başçısı ötən səyyar görüş-qəbulda qaldırılan məsələlərin icra vəziyyəti barədə sakinlərə məlumat verib. Bildirilib ki, yerli icra hakimiyyətinin səlahiyyətlərinə aid olan bütün məsələlər həllini tapıb, digər məsələlərin həlli üçün aidiyyəti yuxarı qurumlara rəsmi müraciətlər ünvanlanıb.
