Lənkəran şəhər Rövşən Bədəlov adına 9 nömrəli tam orta məktəb öz fəaliyyətini yalnız tam orta təhsil səviyyəsi (X-XI siniflər) üzrə davam etdirəcək.
Cenublu.az Lənkəran - Astara Regional Təhsil İdarəsinə istinadən xəbər verir ki, məqsəd ümumi orta təhsil səviyyəsini bitirmiş şagirdlərə növbəti təhsil səviyyəsində keyfiyyətli təhsil imkanları, daha uyğun sosial-psixoloji mühit yaratmaqdır.
Təhsil müəssisəsində dərslər təmayül tədris planları əsasında təşkil ediləcək. Tədris prosesi yüksək akademik göstəricilərə malik, peşəkar pedaqoji heyət tərəfindən icra olunacaq.
Məktəbə şagirdlərin qəbul qaydaları və digər yeniliklər barədə əlavə məlumat yaxın zamanda ictimaiyyətə təqdim ediləcək.
