Lənkəranda "Zərərli vərdişlərin və narkotik maddələrin insan sağlamlığına mənfi təsirləri” mövzusunda maarifləndirici tədbir keçirilib. Bu haqda məlumatı Cenublu.az bu gün, 15 fevral tarixində Lənkəran şəhər Gənclər və İdman İdarəsinə istinadən verir.
Rayonun Şağlaser kənd ümumi orta məktəbində keçirilən tədbirdə çıxış edənlər hazırda bəşəriyyəti düşündürən və narahat edən ən ağrılı problemlərdən birinin narkomaniya olduğunu vurğulayıblar. Bir daha diqqətə çatdırılıb ki, gələcəkdə xalqı, Vətəni üçün gərəkli övlad olmaq istəyən bu günün gənci ilk növbədə zərərli vərdişlərdən, o cümlədən narkomaniyadan uzaq olmalıdır.
Dövlət başçısı İlham Əliyev hər zaman bildirir ki, ölkə əhalisinin sağlamlığı prioritet məsələlərdəndir.
Sonda şagirdlərin iştirakı ilə mövzu ətrafında müzakirələr aparılmış, şagirdlərə zərərli vərdişlərdən uzaq olmaq və idmanla məşğul olmaq tövsiyə edilmişdir.
Qeyd edək ki, tədbirdə 150 şagird iştirak edib.
[caption id="attachment_33611" align="alignnone" width="336"]
Lənkəran Şəhər Gənclər və İdman İdarəsi[/caption]
