Lənkəran rayonu, Üzümçülük qəsəbəsi tam orta məktəbinin bağlanacağı deyilir.
Xezerxeber.az-ın məlumatına görə, valideynlər iddia edirlər ki, təmir işləri aparılan məktəb istifadəyə verilməyəcək. Burada təhsil alan şagirdilər isə təqribən 8 kilometr uzaqda yerləşən digər məktəbə köçürüləcəklər.
Lənkəran - Astara Regional Təhsil İdarəsindən isə bildirildi ki, məktəbin bağlanması haqqında yayılan söz-söhbət həqiqəti əks etdirmir.
Qeyd edək ki, qəsəbədə 150-ə yaxın ailə var. Yeni tədris ilində şagirdlərin təlim-tərbiyəsi ilə 14 müəllim məşğul olacaq.
Xezerxeber.az mövzu ilə bağlı daha ətraflı videomaterialı təqdim edir.
