Lənkəran Rayon Mərkəzi Xəstəxanasının əməkdaşları üçün “Hemofiliyanın müasir müalicəsinə dair multidisiplinar yanaşma” adlı təlim təşkil olunub. Bu haqda məlumatı Cenublu.az bu gün, 30 iyul tarixində verir.
Seminarda xəstəxananın direktoru Dr. Ağabala Kəlbiyev hemofiliyalı vətəndaşların paytaxta getmədən yaşadıqları regionda müalicələrinin təşkili və müalicənin multidisiplinar olmasının vacibliyini bildirib.
Sonra mövzu ətrafında məlumatlar verilib.
Daha sonra xəstəxananın Fizioterapiya şöbəsi və Stomatologiya kabinetləri ilə tanışlıq olub. Laxtalanma pozğunluğu olan pasiyentlərin fizioterapevtik və stomatoloji müalicələrinin təşkilində tövsiyələri dinlənilib.
Tədbir Lənkəran Rayon Mərkəzi Xəstəxanasının, TƏBİB-nin və Hemofiliyalı Xəstələrin Respublika Assosiasiyasının birgə təşkilatçılığı ilə həyata keçirilib.
