Lənkəran rayon Mərkəzi Xəstəxanasının ürək-damar cərrahiyyəsi şöbəsində yeni təyinat olub.
Cenublu.az verdiyi xəbərə görə, Lənkəran rayon Mərkəzi Xəstəxanasının ürək-damar cərrahiyyəsi şöbəsinə ürək-damar cərrahı Firdovsi Hüseynov rəhbərlik edəcək.
Firdovsi Kamran oğlu Hüseynov 1988-ci ildə Naxçıvan Muxtar Respublikasının Culfa rayonunda anadan olub. 2006-2010-ci illərdə Azərbaycan Tibb Universitetinin Müalicə işi fakültəsində, 2010-2012 Azərbaycan Tibb Universiteti Hərbi Tibb fakültəsində təhsil alıb.
2012-2013-cü illərdə Müdafiə Nazirliyinin “N” saylı hərbi hissəsində həkim kimi fəaliyyət başlayıb.
2013-2018-ci illərdə Silahlı Qüvvələrin Baş Klinik Hospitalında ürək-damar cərrahiyyəsi ixtisası üzrə rezidentura təhsili alıb.
2019-2024-cü illərdə Naxçıvan Mərkəzi Hospitalı və Naxçıvan Diaqnostika Müalicə Mərkəzində ürək-damar cərrahı kimi fəaliyyət göstərib.
Qeyd edək ki, ürək-damar cərrahı Firdovsi Hüseynov 2014-2015-2017-ci illərdə Ankara Başkənt Universitet xəstəxanasında Uşaqlarda anadangəlmə “Ürək qüsurlarının cərrahi müalicəsi” kursunu, 2016-cı ildə İstanbul Mehmet Akif Ersoy Ürək-damar xəstəlikləri mərkəzində “Uşaqlarda anadangəlmə ürək qüsurlarının cərrahi müalicəsi” kursunu, 2021-ci ildə Gülhanə Eyitim Araşdırma Xəstəxanasında “Aritmiyalarda cərrahi ablasiya” kursunu müvəffəqiyyətlə bitirib.
