Bu il Lənkəran məktəblərinin 5 məzununa qızıl nişan təqdim olunub. Bu haqda məlumatı Cenublu.az bu gün, 27 iyul tarixində verir.
Ülvi Həbibli - Lənkəran şəhər 3 nömrəli tam orta məktəbin məzunu. Respublika Fənn Olimpiadasında 2021-ci ildə tarix fənni üzrə bürünc medal, 2022-ci ildə gümüş medal və 2023-cü ildə isə bürünc medalın sahibi olub. Qəbul imtahanlarında 681.6 bal toplayıb.
Gülər Şükürova - Lənkəran rayonu Gərmətük qəsəbə tam orta məktəbinin məzunu. 2023-cü ildə Respublika Fənn Olimpiadasında kimya fənni üzrə gümüş medal qazanıb. Qəbul imtahanlarında 634 bal toplayıb.
Rita Şükürlü - Lənkəran şəhər 6 nömrəli məktəb-liseyin məzunu. 2022-ci ildə və 2023-cü ildə Respublika Fənn Olimpiadasında biologiya fənni üzrə iştirak edərək ümumilikdə 2 dəfə gümüş medal qazanıb.
Rəşid Rüstəmli - Lənkəran şəhər 6 nömrəli məktəb-liseyin məzunu. 2022-ci ildə Respublika Fənn Olimpiadasında coğrafiya fənni üzrə iştirak edərək bürünc medal qazanıb. Qəbul imtahanlarında 614.4 bal toplayıb.
Məlahət Şirinli - Lənkəran rayonu Şürük kənd tam orta məktəbinin məzunu. 2023-cü ildə Respublika Fənn Olimpiadasında iştirak edərək kimya fənni üzrə bürünc medalın sahibi olub. Məlahət, həmçinin FLEX proqramını qazanaraq, bir təhsil ili ərzində Amerikada yaşamaq və orada orta məktəbdə təhsil almaq şansı da qazanıb.
