Lənkəran Rayon Mərkəzi Xəstəxanasının Təcili yardım şöbəsinə yeni həkim təyinatı olub.
Cenublu.az xəbər verir ki, 41 yaşlı həkim Cavid Fətəliyev xəstəxananın Təcili yardım şöbəsində fəaliyyətini davam etdirəcək.
Cavid Mirəziz oğlu Fətəliyev 1984-cü ildə Astara rayon Siyaku kəndində anadan olub. 1990-cı ildə Astara rayon Şağlazüzə kənd orta məktəbində təhsilə başlayıb və 2001-ci ildə həmin məktəbi bitirib. Elə həmin ildə Tibb Universitetinin müalicə işi fakültəsinə qəbul olub. 2008-ci ildə eyniadlı təhsil müəssisəsini Məhkəmə Tibbi Ekspertiza ixtisası üzrə bitirib. 2008-2010-cu illərdə bir çox ixtisas təkmilləşdirilmə kursları keçib. 2010-2020-ci illərdə Azərbaycan Respublikası Məhkəmə Tibbi Ekspertiza və Patoloji Anatomiyası Birliyinin Lənkəran, Lerik, Qax rayon şöbələrində ekspert, rayon şöbə rəisi vəzifələrində çalışıb.
2020-2023-cü illərdə yenidən ixtisasartırma, ixtisaslaşma kurslarında iştirak edib. 2024-cü ilin fevral ayından Lənkəran Rayonu Mərkəzi Xəstəxanasının Pambəhi həkim məntəqəsinin müdiri, eləcə də yeni təyinata əsasən Mərkəzi Xəstəxananın Təcili yardım şöbəsinin həkimi kimi fəaliyyətini davam etdirir.
Ailəlidir, 3 övladı var.
