Baş prokuror Kamran Əliyev Lerik, Lənkəran və Astara rayon sakinlərinin qəbulunu keçirib. Bu haqda məlumatı Cenublu.az bu gün, 3 iyul tarixində verir.
Qəbul Lerik Rayon Prokurorluğunun inzibati binasında baş tutub. Burada 32 nəfər vətəndaşın müraciətində konkret cinayət işlərinin istintaqı və törədilmiş cinayətlər barədə məlumatların araşdırılması zamanı yol verilmiş qanun pozuntuları, məhkəmədə baxılan cinayət işləri üzrə dövlət ittihamının müdafiəsi, habelə mülki xarakterli mübahisələr və sosial problemlərə dair qeyd olunan məsələlərin bilavasitə prokurorluqda və ya aidiyyəti icra orqanlarında operativ həlli üçün müvafiq göstərişlər verilib.
Görüşdən sonra Kamran Əliyev vətəndaşların müraciətləri ilə bağlı prokurorluq əməkdaşlarına konkret tapşırıqlar verib.
