İstirahət günlərində, sentyabrın 7-8-də milli parklarda gözlənilən hava şəraiti məlum olunub.
Cenublu.az Milli Hidrometeorologiya Xidmətinə istinadən xəbər verir ki, Qızılağac və Hirkan milli parklarında yağmursuz hava şəraiti gözlənilir.
Qızılağac milli parkında gecə və səhər saatlarında zəif duman olacaq, mülayim şərq küləyi əsəcək. Havanın temperaturu gecə 18-20° isti, gündüz 28-30° isti olacaq.
Hirkan milli parkında da gecə və səhər saatlarında zəif duman və şərq küləyi gözlənilir. Havanın temperaturu gecə 18-21° isti, gündüz 28-30° isti olacaq.
