İrandan Azərbaycana 15 kiloqramdan çox narkotik keçirilməsinin qarşısı alınıb. Bu haqda məlumatı Cenublu.az bu gün, 6 iyul tarixində Report.az-a istinadən verir.
DSX-nin Sərhəd Qoşunlarının “Göytəpə” sərhəd dəstəsinin xidməti ərazisində 2 nəfər naməlum şəxsin İrandan Azərbaycan istiqamətində dövlət sərhədini pozması müşahidə edilib.
Araşdırma zamanı saxlanılan şəxslərin Qazax rayon sakinləri – 43 yaşlı Anar Tarıverdiyev və 41 yaşlı Sərvər Carçıyev olduqları müəyyən edilib. Onlardan 15 kiloqram 25 qram narkotik vasitə (15 kiloqram marixuana; 25 qram tiryək) müsadirə edilib.
Fakt üzrə əməliyyat-istintaq tədbirləri davam etdirilir.
