Lənkəran rayonunun Aşağı Nüvədi qəsəbəsində kiçikhəcmli gəmi istifadəçilərinin müvafiq təhlükəsizlik qaydaları ilə bağlı maarifləndirilməsi məqsədilə tədbir keçirilib. Bu haqda məlumatı Cenublu.az bu gün, 1 iyul tarixində Fövqəladə Hallar Nazirliyinə istinadən verir.
Tədbir Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən təşkil olunub.
Gəmi istifadəçilərinə, o cümlədən balıq və digər su bioresurslarının sənaye ovunu həyata keçirən balıqçılıq subyektlərinə bu tip gəmilərin təchizat avadanlıqları barədə məlumat verilib.
Sonda iştirakçılara maarifləndirici çap materialları paylanılıb.
