Lənkəranın Liman şəhər inzibati ərazi dairəsi üzrə nümayəndəliyində "Fövqəladə halların qarşısının alınması və nəticələrinin aradan qaldırılması sahəsində yerli icra qurumları və özünüidarə orqanları ilə qarşılıqlı fəaliyyətin təşkili" mövzusunda "dəyirmi masa" keçirilib.
Cenublu.az xəbər verir ki, tədbir Fövqəladə Hallar Nazirliyinin Cənub Regional Mərkəzi tərəfindən təşkil olunub. Burada FHN-in aidiyyəti yerli qurumlarının, icra və özünüidarə orqanlarının nümayəndələri, müvafiq idarə və müəssisə rəhbərləri, eləcə də şəhər sakinləri iştirak ediblər.
Tədbir çərçivəsində fövqəladə halların qarşısının alınması və nəticələrinin aradan qaldırılması istiqamətində qarşılıqlı fəaliyyətin təşkili, sularda insanların təhlükəsizliyinin təmin edilməsi, yanğın və texniki təhlükəsizlik qaydalarının tələblərinə riayət olunması ilə əlaqədar geniş müzakirə aparılıb.
Sonda maarifləndirici videoçarx və fotoslaydlar nümayiş olunub. Suallar ətraflı cavablandırılıb.
