Hirkan Milli Parkında “Meşə fondu və xüsusi mühafizə olunan ərazilərdə baş verə biləcək yanğın hadisələrinə qarşı qabaqlayıcı tədbirlərin həyata keçirilməsi” mövzusunda tədbir baş tutub. Bu haqda məlumatı Cenublu.az bu gün, 6 iyul tarixində Apa.az-a istinadən verir.
Görüşdə FHN-in Cənub Regional Mərkəzinin aidiyyəti qurumları, Ekologiya və Təbii Sərvətlər Nazirliyinin 1 saylı Regional Ekologiya və Təbii Sərvətlər İdarəsi və Hirkan Milli Parkının əməkdaşları iştirak ediblər.
Tədbirdə yanğın hadisələrinin baş verməməsi üçün qabaqlayıcı tədbirlərin görülməsi, yanğınla mübarizə istiqamətində maarifləndirmə işlərinin genişləndirilməsi barədə müzakirələr aparılıb.
Yekunda Fövqəladə Hallar və Ekologiya və Təbii Sərvətlər Nazirliklərinin yerli qurumlarının qüvvə və texnikalarını cəlb etməklə, şərti olaraq baş vermiş meşə yanğınlarının qarşısının alınması əyani şəkildə təqdim edilib.
