Bu gün, 1 avqust tarixində Lənkəran Dövlət Dram Teatrının aparıcı səhnə ustası, Azərbaycan Respublikasının Əməkdar artisti Zemfira Nəcəfova vəfat edib.
Zemfira Musabala qızı Nəcəfova 1950-ci ilin aprelində Bakı şəhərində anadan olub.
1970-1975-ci illərdə Mirzağa Əliyev adına Azərbaycan Dövlət İncəsənət İnstitutunun Dram və kino aktyorluğu fakültəsini bitirib. Təyinatla Lənkəran Dövlət Dram Teatrına göndərilib və ömrünün sonuna kimi bu kollektivin truppasında çalışıb.
Aktrisa 1979-cu ildə Azərbaycan Respublikası Ali Sovetinin fəxri fərmanına, 30 dekabr 2015-ci ildə isə Azərbaycan Respublikasının Əməkdar artisti fəxri adına layiq görülüb.
