Astarada dövlət sərhədini pozan şəxs tutulub.
Cenublu.az Dövlət Sərhəd Xidmətinə istinadən xəbər veri ki, DSX-nin Sahil Mühafizəsi tərəfindən Xəzər dənizinin su səthinin müşahidəsi zamanı 1 nəfər şübhəli şəxsin İran İslam Respublikasından Azərbaycan Respublikası istiqamətinə dövlət sərhədini pozaraq Astara rayonunun sahil xəttinə doğru üzməsi müşahidə olunub.
Aşkar olunmuş şəxsin saxlanılması istiqamətində tədbirlər görülərək, sahil nəzarəti bölmələri aidiyyəti üzrə məlumatlandırılıb və sahil xətti boyu ərazinin qapadılması təmin edilib.
Dövlət ərazisinə keçməyə cəhd göstərən Əfqanıstan vətəndaşı 1998-ci il təvəllüdlü Mahmud Xil Bilal oğlu saxlanılıb.
Fakt üzrə əməliyyat-istintaq tədbirləri davam etdirilir.
