Dövlət İmtahan Mərkəzi (DİM) dövlət orqanlarında vakant inzibati vəzifələrin tutulması üçün müsabiqənin müsahibə mərhələsi elan edib.
DİM tərəfindən keçiriləcək müsabiqənin müsahibə mərhələsinə Cəlilabad Rayon İcra Hakimiyyətindən (RİH) aşağıda göstərilən 8 vakant vəzifə təqdim olunub.
Cenublu.az xəbər verir ki, müsabiqənin müsahibə mərhələsində iştirak etmək istəyən namizədlər oktyabrın 22-si saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçə bilərlər.
Vəzifələrin siyahısı aşağıda qeyd edilib:
- Cəlilabad RİH başçısı Aparatı, İnformasiya təminatı və təhlil sektoru, sektor müdiri (1 yer);
- Cəlilabad RİH başçısı Aparatı, Memarlıq və tikinti şöbəsi, dövlət orqanı aparatında şöbə müdiri - baş memar (1 yer);
- Cəlilabad RİH başçısının, Cəlilabad şəhər inzibati ərazi dairəsi üzrə nümayəndəliyi, yerli icra hakimiyyəti başçısının inzibati ərazi dairəsi üzrə nümayəndəsinin müavini (1 yer);
- Cəlilabad RİH başçısının, Şabanlı kənd inzibati ərazi dairəsi üzrə nümayəndəliyi, yerli icra hakimiyyəti başçısının inzibati ərazi dairəsi üzrə nümayəndəsi (1 yer);
- Cəlilabad RİH başçısının, Qarakazımlı kənd inzibati ərazi dairəsi üzrə nümayəndəliyi, yerli icra hakimiyyəti başçısının inzibati ərazi dairəsi üzrə nümayəndəsi (1 yer);
- Cəlilabad RİH başçısının, Mikayıllı kənd inzibati ərazi dairəsi üzrə nümayəndəliyi, yerli icra hakimiyyəti başçısının inzibati ərazi dairəsi üzrə nümayəndəsinin müavini (1 yer);
- Cəlilabad RİH başçısının, Hamarqışlaq kənd inzibati ərazi dairəsi üzrə nümayəndəliyi, baş məsləhətçi - baş mühasib (1 yer);
- Cəlilabad RİH başçısının, Günəşli kənd inzibati ərazi dairəsi üzrə nümayəndəliyi, baş məsləhətçi - baş mühasib (1 yer).
