Azərbaycan Respublikasının daxili işlər naziri general-polkovnik Vilayət Eyvazov sakinlərlə görüş keçirəcək. Bu haqda məlumatı Cenublu.az bu gün, 31 yanvar tarixində verir.
Görüş 16 fevral tarixində Cəlilabad Rayon Polis Şöbəsinin inzibati binasında baş tutacaq. Qəbulda Neftçala, Biləsuvar, Cəbrayıl və Cəlilabad şəhər və rayonlarının sakinləri iştirak edə bilərlər.
Qəbula yazılmaq istəyən vətəndaşlar Daxili İşlər Nazirliyinin səlahiyyətlərinə aid məsələlərlə bağlı 15 fevral tarixinədək yaşadıqları ərazinin polis orqanına, habelə DİN-in www.mia.gov.az internet saytı vasitəsilə və sosial şəbəkələrdəki səhifələrinə müraciət edə bilərlər.
Qəbula gələnlərdən şəxsiyyət vəsiqəsi tələb olunur.
