Cəlilabad şəhərində bıçaqlanma baş verib.
Cenublu.az xəbər verir ki, bıçaqlanan rayon sakini, 1968-ci il təvəllüdlü Qurban Qasımovdur. Hadisəni törətməkdə şübhəli bilinən Fərid Qasımov polis əməkdaşları tərəfindən saxlanılıb. Onların əmioğlu olduqları bildirilir.
Qurban Qasımov Təcili tibbi yardım şöbəsinə hospitalizasiya olunub. Ona sol budun müxtəlif nahiyələrinin, sağ budun aşağı hissəsinin kəsilmiş-deşilmiş yaraları diaqnozu qoyulub. Pasiyentə zəruri tibbi yardım göstərilib, müalicəsi Cərrahiyyə şöbəsində davam etdirilir. Vəziyyəti stabil olaraq qiymətləndirilir.
Faktla bağlı araşdırma aparılır.
