Lənkəranda anadan olan, Dövlət Sərhəd Xidmətinin rəis müavini, general-leytenant Cavid Abdullayev 3-cü dərəcəli “Rəşadət” ordeni ilə təltif olunub. Bu haqda məlumatı Cenublu.az bu gün, 17 avqust tarixində Bizim Lənkəran-a istinadən verir.
Cavid Abdullayev Vətən müharibəsində göstərdiyi şücaətə görə "Qarabağ" ordeninə layiq görülüb. Xidmət illəri ərzində "İgidliyə görə" medalı ilə, 2-ci dərəcəli "Vətənə xidmətə görə" ordeni ilə təltif edilib. 2012-ci ildə ona general-mayor, 2021-ci ildə general-leytenant rütbəsi verilib. Həmin ildən DSX rəisinin Maddi Texniki Təminat məsələləri üzrə müavini vəzifəsində çalışır.
