Cəlilabad və Lənkəran rayonlarında Təmizlik Marafonu təşkil olunub. Bu haqda məlumatı Cenublu.az bu gün, 11 iyul tarixində verir.
Aksiya Cəlilabad rayonunun Göytəpə meşəbəyliyini və Lənkəran rayonunun Xanbulan gölü ətrafını əhatə edib.
Marafon, həmçinin ölkənin başqa rayonlarında da həyata keçirilib. Aksiyaya Ekologiya və Təbii Sərvətlər Nazirliyi, yerli icra hakimiyyəti orqanları, bələdiyyələr, yerli kommunal müəssisələr kombinatlarının əməkdaşları, “Sumqayıt” Futbol Klubu, 2 saylı Bərpa Tikinti İdarəsi, Ağdaş Dövlət Aqrar İnkişaf Mərkəzi, yerli sakinlər və ekokönüllülər cəlb olunublar.
Aksiya bu gündən etibarən hər həftənin 4 və 6-cı günləri bütün ölkə ərazisinin çay vadilərini, meşə ərazilərini və dəniz sahillərini əhatə edəcək.
