Cənub bölgəsində çay sahilləri və meşə əraziləri tullantılardan təmizlənib. Bu haqda məlumatı Cenublu.az bu gün, 29 iyul tarixində verir.
“Təmiz ölkəm” devizi altında Ümumrespublika Təmizlik Marafonu çərçivəsində Masallı rayonunun meşə ərazilərində və Lənkərançayın Xəzər dənizinə qovuşduğu ərazidə iməciliklər keçirilib.
Aksiyalara Ekologiya və Təbii Sərvətlər Nazirliyinin yerli qurumlarının əməkdaşları, yerli icra hakimiyyəti orqanları, bələdiyyələr, gənclər evlərinin, yerli kommunal müəssisə kombinatlarının nümayəndələri, “Kapital Bank” ASC-nin əməkdaşları, könüllülər və sakinlər cəlb olunublar.
