Bu gün Cəlilabaddan olan Vətən müharibəsi şəhidi Kamran Yaşar oğlu İsgəndərlinin xatirəsi yad edilir.
Cenublu.az xəbər verir ki, Kamran İsgəndərli 1997-ci ildə Cəlilabad rayonunda dünyaya göz açıb. İki bacının tək qardaşı idi. Məktəbi bitirdikdən sonra Azərbaycan Texniki Universitetində Telekommunikasiya, radio və texniki informasiya mühəndisliyi üzrə təhsil alıb.
Vətən müharibəsi zamanı Kamran İsgəndərli Xocavənd döyüşlərində savaşıb. 22 oktyabr 2020-ci ildə Füzuli istiqamətində gedən döyüşdə şəhid olub. Cəlilabadda dəfn edilib.
Qəhrəman şəhidimiz Kamran İsgəndərli ölümündən sonra "Vətən uğrunda", "Füzulinin azad olunmasına görə'' və ''Xocəvəndin azad olunmasına görə'' medalları ilə təltif edilib.
