Bu gün Vətən müharibəsi şəhidi Əkram Azad oğlu Abdullayevin xatirəsi yad edilir.
Əkram Abdullayev 1998-ci il fevralın 21-də Cəlilabad rayonunun Qarakazımlı kəndində anadan olub. O, 2017-2019-cu illərdə N saylı hərbi hissədə xidmət edib. 2019-cu ildə Beyləqan rayonunda yerləşən “N” saylı hərbi hissədə MAHHXHQ kimi xidmət etməyə başlayıb.
Azərbaycan Silahlı Qüvvələrinin hərbi qulluqçusu Əkram Abdullayev Vətən müharibəsində iştirak edib. 29 oktyabr 2020-ci ildə Qarabağ uğrunda gedən döyüşlərdə şəhidlik zirvəsinə ucalıb.
Ölümündən sonra “Vətən uğrunda”, “Füzulinin azad olunmasına görə”, “Qubadlının azad olunmasına görə” medalları ilə təltif olunub.
