Cəlilabadda yanğın zamanı tüstüdən zəhərlənən 5 yaşlı R.İ-nin vəziyyəti ağır olaraq qalır.
APA məlumat verir ki, bu barədə Cəlilabad Rayon Mərkəzi Xəstəxanasının Təcili yardım şöbəsinin həkimi Arzu Cəfərli bildirib.
Qeyd edilib ki, sentyabrın 8-i saat 14:20 radələrində 5 yaşlı qadın cinsli xəstə tüstüdən zəhərlənmə diaqnozu ilə xəstəxanaya daxil olub: “Təxirəsalınmaz qaydada xəstə reanimasiya şöbəsinə yerləşdirilib, intensiv reanimasion yardım tədbirləri icra olunub. Hazırda xəstənin vəziyyəti ağır olaraq qalır. Müalicə və müşahidə davam edir".
