Cəlilabad rayonunda üzüm bağlarından məhsul yığımına başlanılıb. Bu haqda məlumatı Cenublu.az bu gün, 1 avqust tarixində Report.az-a istinadən verir.
Hazırda rayonda 1410 hektar üzüm bağı var. Bunun da 1375 hektarı bar verən bağlardır.
Fermerlərin sözlərinə görə, bu il qeyri-sabit hava şəraiti üzümçülüyə ciddi ziyan vurmayıb. Hazırda bağlarda məhsul bolluğu var.
Üzümün bir kiloqramının qiyməti çeşidindən asılı olaraq, 1-1,5 manat arasında dəyişir. Toplanan məhsullar daxili bazarla yanaşı, Rusiyanın müxtəlif bazarlarına da çıxarılır.
