Cəlilabadda dörd gün əvvəl baş verən yol-nəqliyyat hadisəsinin təfərrüatları məlum olub. Bu barədə Parol.az xəbər verir.
Cəlilabad rayonunun Uzuntəpə kəndi ərazisində toy karvanına qatılan “VAZ-21015” markalı minik avtomobili gəlin maşını ilə toqquşması nəticəsində 73 yaşlı Əzizağa Xudiyev dünyasını dəyişib.
BMW markalı gəlin maşınını idarə edən bəy Toğrul Əzizov isə elə toy günü saxlanılıb.
Şahidlərin verdiyi məlumata görə, hadisədən sonra ağır xəsarət alan Ə.Xudiyev xəstəxanaya çatdırılıb, bəy isə toyun baş tutması üçün restorana gedib. Lakin Əzizağanın xəstəxanada keçindiyi xəbəri gəlib və toy yarımçıq qalıb. Toğrul Əzizov saxlanılıb.
Bu hadisənin ardınca gəlinin valideynləri qızı özləri ilə ata evinə aparıblar.
