Cəlilabab rayonunda ata və qızın su quyusunda boğularaq ölməsi ilə bağlı təfərrüatlar məlum olunub. Bu haqda məlumatı Cenublu.az bu gün, 15 avqust tarixində Modern.az-a istinadən verir.
Ötən gün Moranlı kəndində 43 yaşlı Həsənağa Məmmədov və onun 20 yaşlı qızı Nəsibə Məmmədova su quyusuna düşərək həyatlarını itiriblər.
Məlum olub ki, N.Məmmədova quyudan su çıxarmaq üçün istifadə olunan motoru qoşub, lakin quyunun içindəki cihaz işləmədiyi üçün onu silkələməyə məcbur olub. Mühərrik birdən işə düşüb, qız müvazinətini itirərək quyuya yıxılıb. Atası H.Məmmədov onu xilas etmək üçün su borusundan istifadə edərək quyuya enmək istəyib və bu zaman boru qırılıb. Nəticədə ata və övlad quyuda həlak olublar.
Məlumata görə, 20 yaşlı Nəsibə Məmmədova nişanlı olub.
Ölən atanın fotosunu təqdim edirik:
[caption id="attachment_63530" align="alignnone" width="322"]
Foto modern.az[/caption]
