Cəlilabadda 16 yaşlı məktəbli qız qaçırılıb.
"Xəzər" TV-də yayımlanan "Təsir dairəsi" verilişində danışan yeniyetmə qohumu ilə qaçdığını deyib.
İddialara görə, 12 fevral 2008-ci il təvəllüdlü məktəbli anasının razılığı əsasında qohumu ilə erkən nikaha məcbur edilib. Məlumata görə, toy hazırlıqlarının artıq başladığı bildirilir.
Qeyd edək ki, ailəsi məktəblini bir neçə il öncə başqa bir qohumu ilə evləndirməyə cəhd edibmiş. Məktəb direktorunun vaxtında müdaxiləsi nəticəsində o zaman erkən nikahın qarşısı alınıb.
DİN-in Mətbuat Xidmətinin Lənkəran regional qrupundan Cenublu.az-a bildirilib ki, məsələ polis əməkdaşları tərəfindən nəzarətə götürülüb. Nikahla əlaqəli heç bir mərasim keçirilməyib. 16 yaşı tamam olmuş yeniyetmə izahatında heç bir təsirə və təzyiqə məruz qalmadan müalicə məqsədilə Cəlilabad rayonuna gəldiyini və hazırda burada yaşayan qohumunun evində qaldığını bildirib.
Araşdırma aparılır, müvafiq tədbirlərin görülməsi təmin ediləcəkdir.
Ətraflı süjetdə:
