Cəlilabadda yağış suları qədim dövrə aid olduğu ehtimal edilən məzardan sümük qalıqlarını üzə çıxarıb. Bu haqda məlumatı Cenublu.az bu gün, 2 iyul tarixində Report.az-a istinadən verir.
Yerli tarixçi Elşad Əmənovun sözlərinə görə, tapıntılar rayonun Badamağacı kəndində, yolun kənarında aşkarlanıb.
O bildirib ki, əvvəllər bu ərazidə el arasında "Kosa məzarı" adlanan bir məzar olub. Güman etmək olar ki, bu sümüklər elə həmin qəbirə aiddir.
Tarixçi, həmçinin qeyd edib ki, ərazidə tarixi araşdırmalar aparmaq vacibdir. Məhz bundan sonra tapıntılar barədə ətraflı məlumat söyləmək olar.
