Cəlilabadda Gənclər və İdman Nazirliyinin yaranmasının 30-cu ildönümü münasibətilə tədbir təşkil edilib. Bu haqda məlumatı Cenublu.az bu gün, 26 iyul tarixində verir.
Görüşdə RİH başçısının 1-ci müavini Qalib Xudaverdiyev, rayon üzrə Gənclər və İdman Sektorunun müdiri Vüqar Cavadov, əməkdaşlar, Olimpiya İdman Kompleksinin direktoru Cavid Əsgərov, Rayon Uşaq-Gənclər İdman Məktəbinin direktoru və məşqçi-müəllimlər iştirak ediblər. Onlar Heydər Əliyevin abidəsi önünə gül dəstələri qoyaraq, öz ehtiramlarını bildiriblər.
Tədbirdə çıxış edənlər bildirdilər ki, 26 iyul 1994-cü il tarixdə ümummilli liderimiz Heydər Əliyevin müvafiq Fərmanı ilə Gənclər və İdman Nazirliyi yaradılıb.
Yekunda videoçarx nümayiş olunub.
Mərasimdə 35 nəfər iştirak edib.
