Cəlilabadda Azərbaycan polisinin yaranmasının 106-cı ildönümü ilə əlaqədar polis işçilərinin peşə bayramı günü qeyd olunub. Bu haqda məlumatı Cenublu.az bu gün, 2 iyul tarixində verir.
Tədbirdə icra başçısı Rafiq Cəlilov, rayon Polis Şöbəsinin rəisi Polad Qarayev, rayonun hüquq-mühafizə orqanlarının rəhbərləri, veteran polis əməkdaşları və polis şöbəsinin şəxsi heyəti iştirak ediblər. İştirakçılar əvvəlcə ümummilli lider Heydər Əliyevin abidəsini ziyarət edərək, abidə önünə gül dəstələri düzüb və əziz xatirəsini ehtiramla yad ediblər.
Heydər Əliyev Mərkəzində davam edən tədbirdə videoçarx nümayiş etdirilib. Çıxış edənlər polisin keçdiyi şərəfli yoldan danışıblar, şəxsi heyəti bayram münasibətilə təbrik ediblər.
Sonda bir qrup polis əməkdaşına rayonda ictimai asayişin qorunmasında və cinayətkarlığa qarşı mübarizədə fərqləndiklərinə görə fəxri fərmanlar təqdim olunub.
