Cəlilabadda "Ailə mübahisələrində mediasiyanın rolu və üstünlükləri" tədbiri keçirilib.
Cenublu.az Mediasiya Şurasına istinadən xəbər verir ki, Heydər Əliyev Mərkəzində təşkil olunan görüşdə Cəlilabad Rayon İHB-nın mütəxəssisi Elvin Mansurov, vəkil Anar Ağayev, Lənkəran 1 saylı Mediasiya Təşkilatının rəhbəri Ramin Şükürov, həmçinin mediatorlar İnqilab Bayram və Orxan İbrahimov iştirak ediblər.
Ramin Şükürov mediasiyanın ailə mübahisələrindəki müsbət təsirlərindən və barışıq sazişlərinin icra üsullarından danışıb, Orxan İbrahimov isə mülki və kommersiya mübahisələrinin mediasiya yolu ilə həll edilməsini müzakirə edib.
Tədbirin sonunda iştirakçıların sualları cavablandırılıb.
