Cəlilabad rayonunun Edişə kənd sakini Surə Mirzəyeva 100 illik yubileyi münasibətilə ziyarət olunub. Bu haqda məlumatı Cenublu.az bu gün, 1 iyul tarixində verir.
Belə ki, görüşdə Cəlilabad Rayon İcra Hakimiyyəti başçısı aparatının İctimai-siyasi və humanitar məsələlər şöbəsi müdirinin müavini – dini qurumlarla işin təşkilatçısı Vahid Mirzəyev, Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Günay İbadova və Kövüzbulaq kənd inzibati ərazi dairəsi üzrə nümayəndəsi Alim Nadirov iştirak ediblər.
Qeyd edək ki, Mirzəyeva Surə Fərman qızı 10 iyul 1924-cü ildə Cəlilabad rayonunun Edişə kəndində anadan olub. O, Böyük Vətən müharibəsinin iştirakçısı Mirzəyev Paşaxan Qəhrəman oğlu ilə ailə həyatı qurub və bu evlilikdən onların 11 övladı dünyaya gəlib.
Qonaqlar Surə Mirzəyevaya Cəlilabad Rayon İcra Hakimiyyəti adından hədiyyələr təqdim ediblər. Sonda yubilyar deyilən xoş sözlərə, təbriklərə, ona göstərilən böyük diqqət və ehtirama görə minnətdarlığını bildirib.
