Cari ilin may ayında ölkədə müşahidə olunan qeyri-sabit hava şəraiti Cəlilabad rayonunda çiyələyin məhsuldarlığına mənfi təsir göstərib. Bu haqda məlumatı Cenublu.az bu gün, 9 iyul tarixində verir.
Cəlilabad Rayon Statistika İdarəsindən verilən məlumata əsasən, ötən il 506 hektar sahədə 10 min 150 ton çiyələk məhsulu yetişdirilib. Bu il isə 606 hektar sahədə 7 min 200 ton məhsul istehsal olunub. Bu isə məhsuldarlığın təxminən 1,5 dəfə – 30% azalması deməkdir.
Fermerlərin sözlərinə görə, yağışlar yetişmiş məhsulu zədələdiyi üçün məhsul çürüyüb. Nəticədə belə bir vəziyyət yaranıb.
