Bu gün, 29 iyun tarixində Azərbaycan Çevik Hərəkət Qüvvələrinin kiçik giziri, şəhid Orxan Elxan oğlu Quluzadənin mövlud günüdür.
Şəhid Orxan 1994-cü ildə Lənkəran şəhərində anadan olub. O, 2011-2012-ci illərdə Azərbaycan Silahlı Qüvvələrinin Abşeron rayonunda yerləşən “N” saylı hərbi hissəsində müddətli həqiqi hərbi xidmətdə olub. 2018-ci ildən isə Dövlət Sərhəd Xidmətinin Yevlax şəhərində yerləşən “N” saylı hərbi hissəsində müddətdən artıq həqiqi hərbi xidmət qulluqçusu olaraq xidmət edib.
Orxan Quluzadə Vətən müharibəsində qəhrəmancasına iştirak edib. 8 noyabr 2020-ci ildə Zəngilan döyüşləri zamanı Şükürataz dağı istiqamətində şəhidlik zirvəsinə ucalıb.
Ölümündən sonra “Qarabağ” ordeni, “Vətən uğrunda” və “Zəngilanın azad olunmasına görə” medalları ilə təltif edilib.
