Bu gün Azərbaycan Silahlı Qüvvələrinin əsgəri Çingiz Sulduz oğlu Babayevin doğum günüdür.
Çingiz Sulduz oğlu Babayev 2001-ci il sentyabrın 21-i Lerik rayonu Mistan kəndində anadan olub.
O, 2020-ci il sentyabrın 27-də başlanan Vətən müharibəsi zamanı Suqovuşanın azadlığı uğrunda gedən döyüşlərdə savaşıb. Oktyabrın 11-də şəhidlik zirvəsinə ucalıb. Lerik rayonunda dəfn edilib.
Ölümündən sonra “İgidliyə görə”, “Suqovuşanın azad olunmasına görə”, “Laçının azad olunmasına görə” və “Vətən uğrunda” medalları ilə təltif edilib.
