Bu gün Azərbaycan Silahlı Qüvvələrinin əsgəri, şəhid Cavad Cavid oğlu Hüseynovun doğum günüdür.
Cavad Hüseynov 1998-ci ildə sentyabrın 16-sı Lerik rayonunun Çayrud kəndində anadan olub. 2016–2019-cu illərdə Lənkəran Dövlət Universitetində «Biznesin idarə edilməsi» fakültəsində oxuyub. Subay idi.
C.Hüseynov 2019-cu ildə Lerik rayon hərbi komissarlığı tərəfindən həqiqi hərbi xidmətə çağırılıb və Goranboy rayonunda yerləşən «N» saylı hərbi hissəyə yola salınıb. Orada 3 ay müddətində xidmət etdikdən sonra Ağdam rayonunda yerləşən «N» saylı hərbi hissədə xidmətini davam etdirib.
2020-ci ildə Vətən müharibəsi zamanı oktyabrın 17-də Suqovuşan ərazisində gedən döyüşlərdə həlak olub. Noyabrın 18-də Sumqayıt Şəhidlər xiyabanında dəfn edilib.
Ölümündən sonra “Vətən uğrunda” medalı ilə təltif edilib.
