Bu gün Masallıdan olan şəhid Ağamalı Şamil oğlu Ağayevin xatirəsi yad edilir.
Ağamalı Ağayev 1996-cı ildə sentyabrın 23-ü Çaxırlı kəndində anadan olub. 2014-2016-cı illərdə Azərbaycan Silahlı Qüvvələrinin Tərtər rayonunda yerləşən “N” saylı hərbi hissəsində müddətli həqiqi hərbi xidmət keçib.
Vətən müharibəsi zamanı Cəbrayılın və Füzulinin azadlığı uğrunda gedən döyüşlərdə savaşıb. Ağamalı Ağayev oktyabrın 21-i Füzuli döyüşləri zamanı yaralı hərbi qulluqçunu döyüş meydanından çıxararkən erməni tərəfinin atdığı snayper gülləsi ilə şəhid edilib. Masallı rayonunda dəfn olunub.
Ölümündən sonra qəhrəmanımız “Vətən uğrunda”, "Cəbrayılın azad olunmasına görə", “Qubadlının azad olunmasına görə”, "Cəsur döyüşçü" medalları ilə təltif olunub.
