Bu gün, 13 iyul tarixində Vətən müharibəsi şəhidi Afərin Müqəddəs oğlu Qulamzadənin mövlud günüdür.
Afərin Qulamzadə 13 iyul 1999-cu ildə Lənkəran rayonunun Mamusta kəndində anadan olub. O, 2020-ci il sentyabrın 27-dən Ermənistan işğalı altında olan ərazilərin azad edilməsi üçün başlanan Vətən müharibəsində iştirak edib. Xocavənd istiqamətində gedən döyüşlərdə döyüş tapşırığını yerinə yetirərkən şəhidlik zirvəsinə ucalıb. 19 noyabr 2020-ci ildə torpağa tapşırılıb. Ölümündən sonra 3-cü dərəcəli “Vətənə xidmətə görə” ordeni ilə təltif olunub.
Qeyd edək ki, Mamusta kəndində Afərin Qulamzadənin xatirəsinə ehtiram əlaməti olaraq bulaq, büst və xatirə lövhələri yaradılıb.
