Bu gün Lənkəran Dövlət Dram Teatrının aktrisası Gülər Kərimlinin doğum günündür.
O, 1988-ci il sentyabrın 7-si Lənkəran şəhərində anadan olub. 2005-ci ildə Lənkəran şəhər 7 saylı orta məktəbini bitirib, həmin il Lənkəran Dövlət Humanitar Kollecinə daxil olub. 2009-cu ildə Nəcəf bəy Vəzirov adına Lənkəran Dövlət Dram Teatrının nəzdində fəaliyyət göstərən “Ümid” teatr studiyasına yardımçı aktrisa kimi qəbul olunub.
G.Kərimli 2010-cu ildə C.Cabbarlının xatirəsinə həsr olunmuş “Deyilən söz yadigardır” bədii qiraət müsabiqəsinin qalibi olub. O, həmçinin “Cənub” televiziyasında aparıcı kimi fəaliyyət göstərir.
Gülər Kərimli Elçinin “Dəlixanadan dəli qaçıb”, M.Xubainin “Şeytanın oyunları”,Ç.Aytmatovun “Manqurt” tamaşalarında kütləvi səhnələrdə çıxış edib.
