Bu gün, 25 iyul tarixində Azərbaycan Silahlı Qüvvələrinin əsgəri, İkinci Qarabağ müharibəsi şəhidi Ayxan Fariz oğlu Qurbanzadənin mövlud günüdür.
Ayxan Qurbanzadə 25 iyul 1998-ci ildə Lənkəran rayonunun Şağlaküçə kəndində Fariz və Yunsirə Qurbanovların ailəsində anadan olub. Atası Fariz Qurbanov — Birinci Qarabağ müharibəsi qazisi və 2-ci qrup Qarabağ müharibəsi əlilidir. Ayxan 2004–2015-ci illərdə orta təhsil alıb. Hərbi xidmətini başa vurduqdan sonra bir müddət mülki fəaliyyət göstərib. Ailəli idi.
O, 2016–2017-ci illərdə Azərbaycan Silahlı Qüvvələrinin sıralarında müddətli həqiqi hərbi xidmət qulluqçusu olub. 2020-ci ilin 14 iyul tarixində Tovuz döyüşləri zamanı general-mayor Polad Həşimovun şəhid olmasından sonra səfərbərlik başlayıb və Ayxan Qurbanzadə səfərbər olunub. 21 sentyabr 2020-ci ildə hərbi təlim toplantılarına gedib.
İkinci Qarabağ müharibəsində atıcı olaraq iştirak edib. Xocavəndin və Füzulinin azadlığı uğrunda gedən döyüşlərdə vuruşub. Ayxan Qurbanzadə 25 oktyabr 2020-ci ildə Füzuli-Hadrut istiqamətində döyüş tapşırığının yerinə yetirilməsi zamanı həlak olub. Lənkəran rayonunda dəfn olunub.
Ölümündən sonra "Vətən uğrunda", "Füzulinin azad olunmasına görə", "Cəsur döyüşçü", "Şuşanın azad olunmasına görə" medalları ilə təltif olunub.
