Bu gün Masallıdan olan şəhid Araz Elsevər oğlu Seyfullayevin anım günüdür.
Cenublu-az-ın məlumatına görə, Araz Seyfullayev 2001-ci ildə mayın 28-də Masallı şəhərində anadan olub. 2007-ci ildə Sakit Tağıyev adına Masallı şəhər 4 nömrəli tam orta məktəbinin birinci sinfinə gedib və 2018-ci ildə həmin məktəbi bitirib.
O, 2019-cu ilin iyul ayında çağırışçı kimi hərbi xidmətə yollanıb. Hərbi xidmətini Azərbaycan Silahlı Qüvvələrinin Göytəpə şəhərinin “N” saylı hərbi hissəsində davam etdirib və 2019-cu ilin oktyabr ayının əvvəlindən Xüsusi Təyinatlı Qüvvələrə qatılıb.
Vətən müharibəsi zamanı Füzuli və Cəbrayıl rayonları uğrunda gedən döyüşlərdə iştirak edərək şəhidlik zirvəsinə ucalıb. Şəhidin nəşi 2020-ci il oktyabrın 8-i doğulduğu Masallı şəhər Digah qəbiristanlığında izdihamla torpağa tapşırılıb.
Ölümündən sonra “Vətən uğrunda”, “Cəsur döyüşçü”, “Füzulinin azad olunmasına görə” medalları və “Azərbaycan Bayrağı” ordeni ilə təltif edilib.
