Bu gün Vətən müharibəsi şəhidi, baş gizir İntiqam Abbasovun dünyaya göz açdığı gündür.
Abbasov İntiqam Yavər oğlu 1978-ci ildə sentyabrın 21-i Masallı rayonunun Köçəkli kəndində anadan olub. 1996-1999-cu illərdə hərbi xidmətdə olub. 2000-ci ildən Naxçıvan Muxtar Respublikasında N saylı hərbi hissədə gizir və tank komandiri olaraq xidmətə başlayıb. Aprel döyüşlərində böyük şücaət göstərərək, 2017-ci ildə baş gizir rütbəsini alıb. Dəfələrlə diplomlar, Fəxri fərmanlar və medallarla təltif edilib.
2020-ci ildə Vətən müharibəsi zamanı sentyabrın 29-u Füzuli istiqamətində gedən döyüşlərdə şəhid olub.
Ölümündən sonra “Vətən uğrunda”, “Hərbi xidmətlərə görə” və “Füzulinin azad olunmasına görə” medalları ilə təltif edilib.
Şəhidimiz ailəli idi. Oğlu Əli və qızı Xədicə Vətənə əmanət qalıb.
