Lerikdən olan şəhid çavuş Zahir Sədi oğlu Əliyevin anadan olduğu gündür.
O, 1987-ci ildə yanvarın 4-də Lerik rayonunun Soru kəndində anadan olub.
Çavuş Z.Əliyev Azərbaycan Respublikasının ərazi bütövlüyünün bərpası uğrunda sentyabrın 19-da başlayan antiterror tədbirlərində iştirak etmiş və 2023-cü il sentyabrın 20-də Kəlbəcər rayonu istiqamətində gedən döyüşlərdə şəhidlik zivəsinə ucalıb.
O, doğulduğu kəndin qəbiristanlığında dəfn edilib. Evli idi. 2 övladı var.
Xidmət etdiyi müddətdə nümunəvi xidmətinə görə 27 dəfə həvəsləndirilib və daxili işlər nazirinin müvafiq əmri ilə “Qüsursuz xidmətə görə” 3-cü dərəcəli medalı ilə təltif edilmişdi.
Azərbaycan Respublikasının ərazi bütövlüyünün təmin olunması zamanı döyüş əməliyyatlarındakı iştirakı nəzərə alınaraq, çavuş Əliyev Zahir Sədi oğlu ölümündən sonra Respublika Prezidentinin müvafiq Sərəncamı ilə 3-cü dərəcəli “Vətənə xidmətə görə” ordeni və “Vətən uğrunda” medalı ilə təltif edilib.
