Bu gün Lerikdən olan şəhid Çingiz Sulduz oğlu Babayevin anım günüdür.
Cenublu.az xəbər verir ki, Çingiz Babayev 2001-ci ildə sentyabrın 21-də Lerik rayonunun Mistan kəndində anadan olub.
Çingiz Babayev Vətən müharibəsinin fəal iştirakçısı olub. Ağdərə, Tərtər və Suqovuşan istiqamətində gedən ağır döyüşlərdə böyük şücaət və qəhrəmanlıq göstərib. Düşmənə sarsıdıcı zərbələr endirən və xeyli sayda canlı qüvvəsini məhv edən Çingiz oktyabrın 10-da döyüş zamanı yaralanan hərbçi yoldaşının yarasını sarıyarkən şəhid olub.
Şəhidin nəşi doğulduğu Lerik rayonu Mistan kəndinə gətirilib və kənd qəbiristanlığında torpağa tapşırılıb.
Şəhid Babayev ölümündən sonra "İgidliyə görə", "Suqovuşanın azad olunmasına görə", "Laçının azad olunmasına görə" və "Vətən uğrunda" medalları ilə təltif edilib.
