Bu gün Cəlilabaddan olan şəhid Mahir Bəxtiyar oğlu Paşayevin anım günüdür.
Cenublu.az xəbər verir ki, Mahir Paşayev 1997-ci il sentyabrın 1-də Cəlilabad rayonunun Əsədli kəndində anadan olub.
Mahir 2015-ci ildən Azərbaycan Silahlı Qüvvələrinin sıralarında xidmət edib. 2016-cı ilin Aprel döyüşlərində iştirak edib.
Azərbaycan Ordusunun kiçik çavuşu olan Mahir Paşayev Vətən müharibəsi zamanı Füzulinin, Hadrut qəsəbəsinin və Xocavəndin azadlığı uğrunda gedən döyüşlərdə savaşıb. O, oktyabrın 11-də Xocavənd döyüşləri zamanı şəhid olub.
Şəhid Paşayev ölümündən sonra "Vətən uğrunda", "İgidliyə görə", "Cəbrayılın azad olunmasına görə", "Kəlbəcərin azad olunmasına görə", "Xocavəndin azad olunmasına görə", "Qubadlının azad olunmasına görə" medalları ilə təltif edilib.
