Bu gün Vətən müharibəsi şəhidi Ayxan Cəmaləddin oğlu Cəfərovun doğum günüdür.
Azərbaycan Silahlı Qüvvələrinin əsgəri Ayxan Cəfərov 1996-ci ilin sentyabrın 6-da Cəlilabad rayonun Üçtəpə kəndində anadan olub. 2015-ci ilin iyul ayında hərbi xidmətə çağrılıb. Hərbi xidmətdə olduğu müddətdə kəşfiyyatçı ixtisası üzrə kurs keçib.
Ayxan 2016-ci ildə aprel döyüşlərində iştirak edib. Vətən müharibəsi zamanı Ayxan Cəfərli Cəbrayıl və Qubadlının azad edilməsində iştirak edib. Oktyabrın 15-i düşmənlə üzbəüz döyüşdə qəhrəmancasına həlak olub. İki gün sonra Cəlilabad rayoununun Üçtəpə kəndində dəfn edilib.
O, ölümündən sonra “Vətən uğrunda”, “Cəbrayılın azad olunmasına görə” və “Cəsur döyüşçü” medalları ilə təltif edilib.
