Bu gün 2014-cü ilin avqust döyüşlərində qəhrəmancasına şəhadətə ucalan gizir Rahil Hüseynovun dünyaya göz açdığı gündür.
Cenublu.az xəbər verir ki, Rahil Əfsər oğlu Hüseynov 1986-cı il oktyabrın 19-da Biləsuvar rayonunun Nərimankənd kəndində anadan olub. Kiçik gizir Rahil Hüseynov 2014-cü ilin 1-3 avqust tarixləri arasında Azərbaycan-Ermənistan təmas xəttində baş verən döyüşlər zamanı qəhrəmancasına şəhidlik zirvəsinə yüksəlib. Avqustun 2-si isə R.Hüseynov doğulduğu kənddə son mənzilə yola salınıb.
Rahil Hüseynov ölümündən sonra göstərdiyi qəhrəmanlığa görə "Hərbi xidmətdə fərqlənməyə görə" III dərəcəli medalı ilə təltif edilib.
