Bu gün Azərbaycan Silahlı Qüvvələrinin əsgəri, Vətən müharibəsi şəhidi Nihad Fuad oğlu Əhmədovun doğum günüdür.
Nihad Fuad oğlu Əhmədov 2000-ci il sentyabrın 7-si Astara rayonunun Alaşa kəndində anadan olub. 3 oktyabr 2018-ci ildə həqiqi hərbi xidmətə çağırılıb, təmas xəttində düşmənlə üzbəüz Tərtər bölgəsində yerləşən N saylı hərbi hissədə xidmətə başlayıb. 2020-ci ildə xidməti borcunu layiqincə yerinə yetirən Nihad Əhmədov hərbi peşəyə marağı olduğundan müddətdən artıq xidmətə başlayaraq Goranboyda, “Həmlə” taborunda xidmətə başlayıb.
Vətən müharibəsi zamanı Tərtərin Talış kəndindən başlayaraq Murovdağ zirvəsinin, Suqovuşanın azad olunmasında, Zəngilanın, Kəlbəcərin və “Pişikqaya” deyilən strateji əhəmiyyət daşıyan yerin alınmasında igidlik göstərib.
2020-ci il oktyabrın 10-u Suqovuşanın alınması uğrunda gedən döyüşlərdə həlak olub. Onun nəşi oktyabrın 11-i doğulub boya-başa çatdığı Alaşa kəndində torpağa tapşırılıb.
O,ölümündən sonra “Vətən uğrunda” və “Suqovuşanın azad olunmasına görə” medalları ilə təltif olunub.
